婆婆

分享一個小故事。

香港既人生活節奏愈黎愈急，目標為主，好少會留意一下身邊既事物，除非呢件事關自己事，否則，個個都係一笑置之。

「我自己既事都顧唔掂，點幫你呀!」

不過，好多時候，係需要一個機會，俾佢地去睇下，去感受下，其他人係到做緊咩野，又或者，俾個機會佢地去諗下，諗多d。

入到大學，每到4月頭，不但功課繁重，適逢考試又臨近，簡直係不分日夜地溫習，卒之，自小孱弱既身體已經負荷不了，讓病毒入侵，於是，唯有死死地氣去睇醫生。

黎到診所門口，我不禁大叫兼心諗!

「駛唔駛咁多人呀!你估換奧運特鈔咩!」

但係，附近又冇診所可以容納到我，為左我既gpa...

「排就排啦!」

入到去，所有人都好似同人有仇咁，個個都好唔耐煩，怨氣非常重呢!

登記完，我就乖乖咁企埋一邊，等嗌名。

時光一d都唔飛逝，仲好慢...

等了8個字，只係聽到裏面有一個呀婆笑得好大聲，兩把聲在對話，睇黎裏面既氣氛應該好好啦!但係出面等候既人，愈聽愈唔耐煩!d人開始係到發出「吱吱」、「哼哼」既聲音!

直至一個抱住bb既女人終於開口。

「姑娘呀!我個b發高燒，幾時有得睇醫生呀!等左1個鐘啦!」

「我等左成個半鐘添啦!姑娘!」

「咪係囉!個呀婆入左去好耐啦!」

於是，大家你一言我一語，開始攻擊裏面個婆婆，甚至有人講粗口......一時之間，成間診所既人都蠢蠢欲動，好似想撞入去!

係呢個時候，度門終於打開了!

呀婆笑笑口咁走出黎，好親切咁望住所有人，然後，慢慢咁向去交藥單俾姑娘。

所有人對呀婆善意既笑容都顯得有d不恥，有人選擇緘默，有人選擇狠狠地望住呀婆，有人選擇漠視佢既眼神。

但呀婆都仲係好友善咁對住大家。

直至....「林望好」

呀婆撐住一枝木柺杖蹣跚地行過去，每一步都行得好吃力，但身邊冇一個去扶去，連係側邊既我都感到成個怨氣衝天既環境，唔敢走埋去。

而呀婆終於靠自己緩緩走到取藥處。

姑娘將一包、兩包、三包、四包、五包、六包、七包、八包.........既藥丸
一枝、兩枝、三枝.....既藥水
全都放在台面上，呀婆好小心打開自己個黑色大膠袋，一包一包放入去，歷時3分鐘以上。

呢個時候，在場所有人既眼晴都離開過呢個呀婆，所有人既眼神都由憎恨轉變成憐惜，甚至內疚.......

而呀婆執好自己d藥，撐住柺杖，一步一步咁行出診所，身邊既人開始拎出佢地珍貴既手，扶呀婆一把，有人又幫佢拎住果袋沉甸甸既藥。

行出診所，呀婆用一把好柔弱既聲音向每一個人說謝謝，佢感謝既眼神直入每一個人當中，然後又繼續慢慢行，離開診所，離開我地既視線範圍。

果一刻，診所足足有1分鐘既時間係靜默的。


有時候，真係要停一停，諗一諗......

.....